Umpasa Batak Di Namarhata Sinamot

Parboru Panise
Sai jolo dinangnang do asa dinungnung
Sai jolo pinangan do asa sinungkun

Burukburuk ni durung, parasaran ni sioto
Bangkona do manungkun, molo so binoto

Danggur ma danggur barat toho tu duhut duhut ditoru ni singkoru
Nungnga bosur hami mangan indahan na las sagat marlompan juhut
ba hatana paboa hamu ma raja ni boru

Sande sige tu bungkulan ni sopo
Bangkona do manise molo so binoto

Dia ma nuaeng langkatna, dia unokna
Dia ma nuaeng hatana, dia nidokna

ParanakGodang sibutong butong, otik sipir ni tondi
Tung so sadia pe na hupatupa hami, sai pamurnas ma i tu pamatang saudara to bohi

Habang pidong halohalo, didongani sitapitapi
Las ma rohamu manjalo, i dope na tarpatupa hami

Sititi ma sigompa, golang golang pangarahutna
Tung otik pe na hupatupa hami sai godang ma pisanuna

Bulung ni dapdap langkop
Ba idope na adong, ba i ma taparhajop

ParboruBagot na marhalto ma na tubu di robean
Horas ma hami na manganthon sai martamba sinadongan di hamu na mangalean

Tubu simarhorahora ditopi ni tapian
Sai ro ma tu hami silas ni roha tiur nang pansarian

Bona ni aek puli di dolok sitapongan
Sai tubu ma dihamu angka na uli, jala sai dor ma nang pangomoan

Inganan ni puli di hauma salenggam
Sai marangkup do na uli mardongan do na denggan

Ranting ni bulu duri jait masijaotan
Angkup ni hata na uli dia ma sitaringotan

ParanakPitu lilinami paualu jugianami
Na uli do nipinami ai di jangkon borumuna do anak nami

Sapala na mardalani unang ma olat ni Sigalangan
Sapala naung mangoloi borumuna unang ma diparalangalangan
Sai jalo hamu ma anak nami dongan ni borumuna sapanganan

Inganan masibulu dolok ni sitapongan
Baranai pe hami manjumpai hamu ndada ala godang ni sinadongan

Barita ni lampedang, mardangka bulung bira
Barita ni burjumu marboru, tarbege do ro didia

Amporik marlipik onggang marhabang
Gabe do parboli na otik gabe do nang parboli na godang

Aek godang do aek laut
Dos ni roha do sibahen na saut

Balintang ma pagabe tumundalhon sitadoan
Arinta ma gabe molo masipaolo oloan

ParboruPat ni gaja ma tu pat ni roha
Pahompu ni raja do hamu jala anak ni na mora

Tubu bagot di robean, tubu palia dilambung huta
Tarbarita do ompumu parompon sisegean jala parpinahan pitu rura

Barita ni lampedang mardangka bulung bira
Barita ni hamoraon muna tarbege do ro didia

Pitu do nang lilinami, paualu ugianami
Na uli do nang nipinami, ai gohanmuna ma nuaeng hajutnami

ParanakMadekdek ansoit tongon tu tarumbara
Unang dok hamu hami parholit, silehonon do soada

Niluluan tandok hape dapot parindahanan
Tolap pamangan do nian mandok, alai ndang tuk jamaon ni tangan

Sai tu ginjang ninna porda, sai tu toru do pambarbaran
Sai naeng mamora do nian dipangido roha
Hape sai hapogoson do dilehon sibaran

Tubu antaladan jonok tutadatada
Hansit do rajanami tangan mandanghurhon na so ada

Tombak sulu sulu parasaran ni haluang
Hula hula nabasa do hamu na so mohop mida uang

ParboruSonggop siruba ruba tu dangka ni ansoit
Ai anggo tu hula hula ndang boi iba mangholit

Tombak di dolok dolok hatubuan ni suga suga
Na mandanggurhon tu dolok do na mangalehon tu hula hula

Nidurung situma laos dapot pora pora
Molo buas iba tu hula hula, na pogos hian iba ingkon gabe mamora

Tubu hau toras di dolok ni Sitapongan
Ingkon gabe do hita jala horas molo masipaolo oloan

Duru duru ni huta panuanan ni salaon
Pangidoan ni hula hula, dao do i juaon

Umpasa Sian Dongan sahuta
Sambilma tartondong dapotan ampapaluan
Asa denggan martondong unang masipamaluan

Lubuk Siguragura denggan do panjalaan
Molo mangido hulahula, olat ni na tarbahen ba tinambaan

Sinuan bulu sibahen na las
Sinuan partuturan sibahen na horas

Dolok ni pangaloan hatubuan ni hau toras
Na masipaolooloan do mambahen gabe jala horas

Marasar ma binsusur di ramba di robean
Asa denggan martutur, naeng ma masipaunean

Tuat siputi nangkok sideak
Ia naumuli, i ma tapareak

Read More

Umpasa Batak Tikki Tardidi Dakdanak

Umpasa ni halak Batak ditingki pesta Tardidi Dakdanak:

Dangka ni bulu godang pinangaitaithon
Sai simbur magodang ma ibana mamboan goarna i, tongka tu panahitnahiton

Habang ambaroba diatas ni Sibuntuon
Sai na burju ma ibana marroha, jala jolma sitiruon

Dolok ni Janjimauli hatubuan ni simarhorahora
Goar na uli ma goarna i, donganna gabe jala mamora

Sahat sahat ni solu sahat ma di rondang ni bulan
Leleng ma ibana mangolu mangusung goarna i diringiring Tuhan

Tu hamu natorasna on ma dohonon nami
Tutu ma tambinsu di toru ni pinasa
Sai martinodohon dope dakdanak na tardidi on angka anak na bisuk dohot angka boru na ulibasa

Horbo ni sibuluan manjampal di balian
Sai dapot ma di hamu angka na niluluan jala sai tiur nang pansarian

Sahat sahat ni solu sahat ma tu bontean
Sahat ma hamu leleng mangolu jala sahat tu panggabean

Read More

Pengertian Umpama, Umpasa dan Falsafah

Bahasa Batak pada zaman dulu secara umum adalah merupakan bahasa lisan. Memang cukup banyak tulisan-tulisan dalam aksara Batak yang ditemukan pada berbagai media seperti kulit kayu (laklak) yang dikenal sebagai pustaha; pada potongan-potongan bambu tulis (bulu suraton) yang dikenal sebagai parhalaan atau kalender kuno dan tondung-tondung; berbagai inskripsi pada dinding ukiran rumah tradisional Batak serta pada batu-batu makam.

Berbagai peneliti antropologi, baik berasal dari Eropa (terutama Belanda dan Jerman) maupun orang Batak, telah berupaya menggali kekayaan bahasa Batak melalui literasi aksara Batak dari pustaha laklak ke dalam huruf-huruf Latin yang dapat kita temukan dewasa ini dalam buku-buku hasil penelitian mereka. Sehingga kita mengenal berbagai bentuk sastra Batak kuno baik berupa puisi, perumpamaan, pantun-pantun, doa-doa, dongeng atau turiturian, peribahasa.

1. Umpasa adalah pantun (Hata Parjolo Patorangkon Hata Parpudi, alai sasintongna hata pasu-pasu doi songon tangiang asa pasauton ni Amanta Debata, ai ganup namanghatahon Umpasa (pasu-pasu) ingkon tongtong do diakui dibagasan rohana na Debata do silehon pasu-pasu).
2. Umpama adalah Pepatah atau peribahasa (Ima hata tudosan).
3. Falsafah adalah berupa kata-kata nasehat (hata ni natua-tua ima songon tudosan alai godangan doi hasil ni angka pengalaman natua-tua najolo naboi gabe poda tarlumobi tu angka naumposo).

Makna dan arti penting bagi kehidupan dan pergaulan hidup sehari-hari yang dikandung oleh umpama dan umpasa itu, dikelompokkan oleh AA. Sitompul ke dalam: ajaran dan pertimbangan, pemerintahan (kerajaan), hukum dan pengadilan, keluarga dan masyarakat, persaudaraan dan persahabatan, doa dan restu, berkat dan kebahagiaan, kedamaian, tatakrama, kasih, kebenaran dan lain-lain.

Umpama dan umpasa tumbuh dan berkembang terus sebagai sastra lisan yang diturunkan dari generasi ke generasi sampai dewasa ini. Tidak ada keterangan yang dapat diperoleh tentang siapa yang menciptakannya dan kapan itu diciptakan.

Umpama dan umpasa masih cukup banyak diungkapkan dalam berbagai upacara adat Batak, baik dalam perbincangan atau perundingan adat maupun dalam pemberian doa restu, berkat maupun penghiburan dalam upacara dukacita.

Sedemikian tinggi makna filosofis yang terkandung dalam umpama dan umpasa sehingga Parkin menyebutnya sebagai ‘the floating code of precepts and mores’, ketentuan ajaran, nasihat dan aturan perilaku dalam masyarakat. Jika sebuah umpama atau umpasa diungkapkan secara tepat dan pada saat serta peristiwa yang tepat, ia dianggap meneguhkan kekuatan batin serta kekuatan soteriologis dalam hubungan adat masyarakat Batak, bagi pihak yang menerima ungkapan itu.

Lebih jauh Vergouwen menyatakan bahwa jika suatu umpama atau umpasa mengandung konsep legal maka ia diterima oleh masyarakat sebagai ketentuan hukum. (H Parkin, 1978:138; AA. Sitompul, 1998:113; JC Vergouwen 1985:109).

Read More