Tarsongon on ma hatorangan na. Adong do tolu poda siingoton ni hita halak batak na marojahan tu Filsafat ni ‘Dalihan na tolu’:
Molo naeng ho sangap, manang mandapot hasangapon, ingkon manat ma ho mardongan sabutuha. Lapatan ni hata ‘manat’ dison, i ma, Lehon sangap tu sipasangapon. Dok ‘amang’ molo tu siparamaon, ‘hahang’ tu siaparhahaon, ‘anggia’ tu siparanggion, Unang bahen juguhan mu tumimbo sian juguhan ni siparhahaonmu, nang pe tumimbo pangkatmu manang ummora ho. Unang pajolojolohon ho mandok hata manang manjalo parjambaran, ianggo disi...
